அடேங்கப்பா..! கிரிக்கெட் பிளேயர்களுக்கு இவ்வளவு சம்பளமா? ஒரு நிமிஷம் தலையே சுத்திடுச்சு…!

0
36

கிரிக்கெட் விளையாட்டில் பிசிசிஐ மற்றும் ஐசிசி ஆகிய போர்டுகள் தான் உலகிலேயே பணக்கார போர்டுகளாக பார்க்கப்படுகிறது. பிசிசிஐ தனது விளையாட்டு வீரர்கள் முதல் கோட்ச்சுகள் அந்த விளையாட்டு நடத்துவதற்காக முக்கிய வேலைகளில் இருப்பவர்களுக்கு நல்ல சம்பளத்தை வழங்குகிறது. இந்த சம்பளம் குறித்த விபரங்கள் தற்போது வெளியாகியுள்ளது.

பிசிசிஐ தனது பிளேயர்களை A+,A,B மற்றும் c ஆகிய கிரேடுகளில் பிரித்துள்ளனர். அவர்களில் A+ கிரேடு பிளேயர்கள் ஆண்டிற்கு 7 கோடியை சம்பளமாக பெறுகின்றனர். A கிரேடு பிளையர்கள் 5 கோடியும், B கிரேடு பிளேயர்கள் 3 கோடியும், c கிரேடு பிளேயர்கள் ஆண்டிற்கு 1 கோடியையும் சம்பளமாக பெறுகின்றனர்.

பிசிசிஐ தன் வசம் அங்கீகரிக்கப்பட்ட 105 அம்பயர்களை தன் கைவசம் வைத்துள்ளது. அதில் டாப் 20 அம்பயர்கள் என ஒரு கேட்டகிரியை பிரித்துள்ளனர். இந்த அம்பயர்களுக்கு கடந்த 2012ம் ஆண்டில் இருந்து சம்பள உயர்வே கிடைக்காமல் இருந்தனர். இவர்கள் கடந்த ஏப்., மாதம் சம்பள உயர்வு அளிக்கப்பட்டிருந்தது.

அதன் படி டாப் 20யில் உள்ள அம்பயர்களுக்கு மேட்ச் இருக்கும் நாட்களில் ஒரு நாளுக்கு ரூ 40 ஆயிரம் சம்பளமாக வழங்கப்படுகிறது. டி-20 மேட்ச் இருக்கும் நாளில் ரூ 20 ஆயிரம் வழங்கப்படுகிறது. டாப் 20ஐ தவிர மற்ற 85 அம்பயர்களுக்கு மேட்ச் இருக்கும் நாட்களில் ஒரு நாளுக்கு ரூ 30 ஆயிரமும், டி-20 மேட்ச் இருக்கும் நாட்களில் ரூ 15 ஆயிரமும் சம்பளமாக வழங்கபடுகிறது. இது மட்டும் இல்லாமல் தினப்படியாக ரூ 1500 அனைத்து அம்பயர்களுக்கும் வழங்கப்படுகிறது.

நீங்கள் டிவியில் கிரிக்கெட் பார்க்கும் போது அதில் போட்டி துவங்கும் முன்பு ஒருவர் வந்து டிவியில் பிட்ச் எப்படி இருக்கிறது. இந்த பிட்ச் பேட்டிங்கிற்கு சாதகமாக இருக்கிறதா அல்லது பீல்டிற்கு சாதகமாக இருக்கிறதா என கூறுவார் அந்த பதவிக்கு பெயர் சோனல் குரேட்டர்ஸ் இவர்களுக்கு ஆண்டிற்கு 12 லட்சம் சம்பளமாக வழங்கப்படுகிறது. அதற்கு அசிஸ்டன்ட்களும் இருக்கிறார்கள் அவர்களுக்கு ஆண்டிற்கு 8.4 லட்சம் சம்பளமாக வழங்கப்படுகிறது. இவர்கள் கணிப்பு மேட்சை திசை மாற்றும் என்பதால் இந்த பதவி மிக முக்கியமான பதவியாக பார்க்கப்படுகிறது.

இது மட்டும் இல்லாமல் பிசிசிஐ முன்னாள் கிரிக்கெட் பிளேயர்கள் 58 பேர்களை நடுவர்கள் வைத்துள்ளனர். அவர்களுக்கு மேட்ச் நடக்கும் நாளில் ஒரு நாளுக்கு 30 ஆயிரமும், டி-20 போட்டிகள் நடக்கும் நாட்களில் 15 ஆயிரமும் சம்பளமாக வழங்கப்படுகிறது. இது மட்டும் அல்லாமல் தினப்படியாக ஒரு நாளுக்கு ரூ 1500ம் வழங்கப்படுகிறது. லோக்கல் மேட்ச் நடக்கும் நாட்களில் ரூ 1000 வழங்கப்படுகிறது.

கிரிக்கெட் போட்டியின் போது ஸ்கோர் போர்டுகளை பார்த்திருப்போம். இந்த ஸ்கோர் போர்டுகளை பராமரிக் 153 அங்கீகரிக்கப்பட்ட நபர்களை பிசிசிஐ நியமித்துள்ளனர். அவர்கள் மேட்ச் துவங்கும் போதே கிரிக்கெட் குறித்த அனைத்து தகவல்களுடனும் தயாராக இருக்க வேண்டும். நடக்கவிருக்கும் மேட்ச்சில் ஏதேனும் சாதனைகள் நிகழ வாய்ப்பு இருக்கிறதா, ஒவ்வொரு பிளேயரும் எவ்வளவு ஸ்கோர்களை பெற்றிருக்கிறார்கள், எவ்வளவு மேட்ச்களில் விளையாடியிருக்கிறார்கள் என்ற முழு அட்டவணை தயாரிப்பு இவர்களிடம் இருக்கும்.

இவர்களுக்கு மேட்ச் நடக்கு நாட்களில் ரூ 10 ஆயிரமும், டி-20 மேட்ச் நடக்கும் நாட்களில் ரூ 5 ஆயிரமும் சம்பளமாக வழங்கப்படும். இது மட்டும் அல்லாமல் ஒரு நாளுக்கு தினப்படியாக ரூ 1500 மட்டும் லோக்கல் மேட்ச் இருக்கும் நாட்களில் ரூ 1000 தினப்படியாக வழங்கப்படும்.

ஒவ்வொரு மேட்ச்சிற்குள் வீடியோ அனலிஸ்ட் என்று ஒருவர் இருப்பார். இவர் மேட்ச் நடக்கும் போது பதிவாகும் வீடியோ காட்சிகளை வைத்து இந்த பேட்ஸ்மேன் அல்லது பவுலர் இதற்கு முந்தைய மேட்சில் எப்படி செயல்பட்டார். அவருடைய வீக்னெஸ் என்ன, பாசிட்டிவ் என்ன என அனலைஸ் செய்வார். இந்த பதவியும் மிக முக்கியமான பதவியாக பார்க்கப்படுகிறது.

பிசிசிஐ மொத்தம் 185 வீடியோ அனலிஸ்ட்களை பதவியமர்த்தியுள்ளது. அவர்களுக்கு மேட்ச் நடக்கும் நாட்களில் ரூ 15 ஆயிரம் சம்பளமாக வழங்கப்படுகிறது. டி-20 மேட்சகளில் ரூ 7500 சம்பளமாக வழங்கப்படுகிறது. மேலும் இந்த 185 பேருக்கு அசிஸ்ட்ணட்களும் உள்ளனர். அவர்களுக்கு ரூ 10 ஆயிரமும், டி-20 மேட்ச் நடக்கும் நாட்களில் ரூ 5 ஆயிரமும் வழங்கப்படுகிறது இது மட்டும் அல்லாமல் அவர்களுக்கு தினப்படியாக ரூ 1500ம், லோக்கல் மேட்ச்களுக்கு ரூ 1000ம் வழங்கப்படும்.

LEAVE A REPLY

Please enter your comment!
Please enter your name here