ஆருத்ரா தரிசனத்தை முன்னிட்டு சிவலாயங்களில் குவிந்த பக்தர்கள்!

0
173

மார்கழி திருவாதிரையையொட்டி தமிழகம் முழுவதும் உள்ள சிவாலயங்களில் இன்று சிறப்பு தரிசனம், அபிஷேகம் நடைபெறுகிறது.

ஆண்டுதோறும் மார்கழி மாதத்தில் வரும் சிவபெருமானின் சிறப்பு நட்சத்திரமான திருவாதிரை நட்சத்திரத்தில் அனைத்து சிவன் கோயில்களிலும் ஆருத்ரா தரிசன நிகழ்ச்சி நடைபெறும். ஈசன் தன்னுடைய ஆனந்த தாண்டவத்தை காட்டி அருளிய நாள் இந்த ஆருத்ரா தரிசன நாள் ஆகும்.

இதையொட்டி சிதம்பரத்தில் நடராஜர், சிவகாமசுந்தரி, விநாயகர், சுப்ரமணியர், சண்டிகேஸ்வரர் ஆகிய பஞ்சமூர்த்திகள் எழுந்தருளும் தேரோட்டம் நடைபெறுகிறது. மிக நுணுக்கமான வேலைப்பாடுகளைக் கொண்ட தேரில் சிவலீலைகளின் காட்சிகள் செதுக்கப்பட்டுள்ளன. சிறப்பு ஆராதனைகள் நடைபெற்ற பிறகு, வேத கோஷங்கள் முழங்க, தேரோட்டம் நடைபெறுகிறது.

இதேபோல் திருச்சியில் மலைக்கோட்டை தாயுமானசுவாமி கோயிலில் ஆருத்ரா தரிசன நிகழ்ச்சி இன்று தொடங்கி 2நாட்கள் நடக்கிறது. தொடர்ந்து நாளை காலை சுவாமிகளுக்கு புஷ்ப அபிஷேகம் செய்து, தீபாராதனை காண்பிக்கப்படுகிறது. அதன்பிறகு சுவாமிகள் திருவீதி உலா நடைபெறும்.

இதேபோல் திருச்சியில் உள்ள திருவானைக்காவல் ஜம்புகேஸ்வரர் அகிலாண்டேஸ்வரி கோவில், உறையூர் பஞ்சவர்ணசாமி கோவில் உள்பட அனைத்து சிவன் கோயில்களிலும் ஆருத்ரா தரிசன நிகழ்ச்சி வெகுவிமர்சியாக நடைபெற்று வருகிறது. இதனையொட்டி காலை முதலே ஏராளமான பக்தர்கள் சிவலாயங்களில் குவிந்துள்ளனர்.

LEAVE A REPLY

Please enter your comment!
Please enter your name here