உங்க ‘மைக், ‘கேமரா’ப் பத்தி எனக்கு கவலையில்ல… : இதுல என்ன தப்பு? : கோலி!

0
30

பெர்த்: ஸ்டெம்ப் மைக், கேமாராவைப்பற்றி எனக்கு கவலையில்லை என இந்திய கேப்டன் விராட் கோலி தெரிவித்துள்ளார்.

ஆஸ்திரேலியா சென்றுள்ள இந்திய அணி 3 டி-20, 4 டெஸ்ட், 3 ஒருநாள் போட்டிகள் கொண்ட தொடரில் பங்கேற்கிறது. இதுவரை ஆஸ்திரேலிய மண்ணில் டெஸ்ட் தொடரை வெல்லாத இந்திய அணி, இம்முறை ஆஸ்திரேலிய அணியின் நட்சத்திர வீரர்களான ஸ்டீவ் ஸ்மித், டேவிட் வார்னர் இல்லாத காரணத்தால், சாதிக்கும் என எதிர்பார்க்கப்படுகிறது.

அடிலெய்டில் நடந்த முதல் டெஸ்டில், இந்திய அணி வென்றது. பெர்த்தில் நடந்த இரண்டாவது டெஸ்டில் வெற்றி பெற்ற ஆஸ்திரேலிய அணி தொடரை 1-1 என சமன் செய்தது. இந்நிலையில் பெர்த் டெஸ்ட் போட்டி முடிந்த பின் இந்திய கேப்டன் விராட் கோலி, ல்லிதனமாக நடந்து கொண்டதாக முன்னாள் ஆஸ்திரேலிய வீரர் மிட்சல் ஜான்சன் அவரை வருத்தெடுத்துள்ளார்.

களத்தில் மல்லுக்கட்டு….

இரண்டாவது டெஸ்டின் மூன்றாவது நாள், நான்காவது நாள், கடைசி நாள் என மூன்று நாட்கள் இந்திய கேப்டன் விராட் கோலி, ஆஸ்திரேலிய கேப்டன் டிம் பெயின் இருவரும் தாறு மாறாக வாக்குவாதத்தில் ஈடுபட்டனர்.

கவலையில்லை:
இந்நிலையில், ஸ்டெம்ப் மைக், கேமாராவைப்பற்றி எனக்கு கவலையில்லை என இந்திய கேப்டன் விராட் கோலி தெரிவித்துள்ளார்.

இதுகுறித்து கோலி கூறுகையில், ‘டெஸ்ட் கிரிக்கெடில் இது போன்ற வாக்குவாதங்கள் மிகவும் சகஜமானது. அடிலெய்டிலும் இது போல நடந்தது. பவுலர் ஒருவர் பவுலிங் செய்யும் போது, ஸ்டெம்ப் மைக், கேமராவில் பதிவாகிறது என்பதைப்பற்றி எல்லாம் கவலைப்பட மாட்டார். அதே போல பேட்டிங் செய்யும் போது பேட்ஸ்மேனின் முழு கவனமும், பந்தில் மட்டுமே இருக்கும்.

மற்ற சுற்றியுள்ள விஷயங்கள் எல்லாம் தேவையில்லாதது. டிம் பெயின் செய்யும் விஷயங்கள் எனக்கு பிடித்துள்ளது. அவர், செய்யும் செயல் எனக்குள் உள்ள முழுதிறமையை வெளியில் கொண்டு வர வேண்டும் என தூண்டுகிறது. ஆனால், எதுவும் எல்லை மீறக்கூடாது, தனிப்பட்ட தாக்குதல் இருக்க கூடாது. இதுவரை அப்படி எதுவும் நடக்கவில்லை என நினைக்கிறேன்.’ என்றார்.

LEAVE A REPLY

Please enter your comment!
Please enter your name here