ஜிப்ஸி படத்தின் பாடல் ப்ரமோவுக்காக ஒன்றிணைந்த களப்போராளிகள்!

0
28

குக்கூ, ஜோக்கர் படங்களைத் தொடர்ந்து, ராஜூமுருகன் இயக்கத்தில் உருவாகும் படம் ஜிப்ஸி. ஜீவா கதாநாயகனாக நடிக்கும் இந்த படத்தில், அவருக்கு ஜோடியாக மிஸ் ஹிமாச்சலபிரதேஷ் பட்டம் வென்ற நடாஷா சிங் அறிமுகமாகிறார். அத்துடன் குதிரை ஒன்று முக்கிய கதாபாத்திரத்தில் நடித்துள்ளது.

சந்தோஷ் நாராயணன் இசையில், எஸ்.கே.செல்வகுமார் ஒளிப்பதிவில் உருவாகும் இதன் படப்பிடிப்பு சமீபத்தில் நிறைவடைந்தது. தற்போது படத்தின் இறுதிகட்டப் பணிகள் தீவிரமாக நடைபெற்று வருகிறது.

இந்நிலையில், தமிழ் சினிமாவில் முதல்முறையாக போராளிகள் அனைவரையும் ஒன்றிணைத்து ஜிப்ஸி படத்தின் பாடல் ப்ரமோவை உருவாக்கியுள்ளது படக்குழு.

ஜிப்ஸி

யுகபாரதி வரியில் உருவாகியுள்ள ’வேரி வேரி பேடு’ என்ற பாடல் ப்ரமோவுக்காகத்தான் அத்தனை போராளிகளும் ஒன்றிணைந்துள்ளனர். இதன் படப்பிடிப்பில் எடுக்கப்பட்ட புகைப்படங்களை படக்குழு சமீபத்தில் வெளியிட்டது.

ஜிப்ஸி

அதில் நடிகர் ஜீவா, இசையமைப்பாளர் சந்தோஷ் நாராயணனுடன் இந்திய கம்யூனிஸ்ட் கட்சியின் மூத்த தலைவர் நல்லகண்ணு, சமூக ஆர்வலர்கள் பாலபாரதி, திருமுருகன் காந்தி, முகிலன், பியூஷ் மானுஷ், ஜக்கையன், வளர்மதி, கிரேஸ் பானு ஆகியோர் இருக்கும் புகைப்படங்கள் சமூக வலைதளங்களில் வெளியாகி வைரலாகி உள்ளது.

ஏற்கெனவே சமூக பிரச்சனைகளை பற்றி பேசிய ஜோக்கர் படத்திற்காக இயக்குநர் ராஜூ முருகன், தேசிய விருது வாங்கிய நிலையில், ஜிப்ஸி படமும் ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது.

LEAVE A REPLY

Please enter your comment!
Please enter your name here