சாய் பல்லவிக்கு பொம்பள தல டைட்டில்: ரோபோ சங்கரால் டுவிட்டரில் டிரெண்டிங்!

0
16

தனுஷ் நடிப்பில் உருவாகியுள்ள மாரி 2 படத்தின் பத்திரிக்கையாளர் சந்திப்பு நிகழ்ச்சியின் போது சாய் பல்லவிக்கு பொம்பள தல டைட்டில் கொடுக்கப்பட்டதைத் தொடர்ந்து மிகுந்த சந்தோஷத்தில் ஆழ்ந்துள்ளார்.

இயக்குனர் பாலாஜி மோகன் இயக்கத்தில் தனுஷ் நடிப்பில் உருவாகியுள்ள படம் மாரி 2. கிறிஸ்துமஸ் தினத்தை முன்னிட்டு வரும் 21ம் தேதி திரைக்கு வரவுள்ளது. இப்படத்தில், தனுஷூடன் இணைந்து சாய் பல்லவி, வரலட்சுமி சரத்குமார், ரோபோ சங்கர் ஆகியோர் பலர் நடித்துள்ளனர். இந்த நிலையில், இப்படத்தின் பத்திரிக்கையாளர் சந்திப்பு நிகழ்ச்சி நேற்று நடந்தது. இதில், படக்குழுவினர் பலரும் கலந்து கொண்டனர்.

அப்போது பேசிய தனுஷ் கூறுகையில், வரலட்சுமியுடன் நடிக்க மிகவும் கஷ்டமாக இருந்தது. படத்தில், ஒரு வசனம் சொல்கிறார் என்றால், நாம் அதற்கு பதில் யோசிப்பதற்கு முன்பே அதனை சொல்லி முடித்துவிடுவார். அவரது நடிப்பும், ஸ்டைலும் வேற மாதிரி இருக்கும். அவரது வேகத்திற்கு ஈடுகொடுக்க வேண்டும் என்றால், அவருக்கு ஏற்ப நடித்தே ஆக வேண்டும். படப்பிடிப்பு தளத்தில் வினோத் மற்றும் ரோபோ சங்கர் இருவருமே இல்லை என்றால், படப்பிடிப்பு ரொம்பவே போரடிக்கும்.

இருவருமே இருந்தால், எனர்ஜி கிடைக்கும். மாரி 2 படத்தில் நடிக்க ரோபோ சங்கரிடம் கால்ஷீட் கேட்கும் போது அவர் ரொம்பவே பிஸியாக இருந்தார். ஆனால், அதையும் மீறி எங்களுக்கு கால்ஷீட் கொடுத்து படமும் நல்லபடியாக முடிந்துள்ளது. இது எங்களுக்கு மகிழ்ச்சியை கொடுத்தது என்று அவர் கூறியுள்ளார் என்பது குறிப்பிடத்தக்கது.

இவரைத் தொடர்ந்து ரோபோ சங்கர் கூறுகையில், சாய் பல்லவியை பொம்பள தல என்று கூறியதும், தனுஷ் மற்றும் சாய் பல்லவி இருவரும் மகிழ்ச்சியடைந்துள்ளனர். பொம்பள தல என்று சாய் பல்லவிக்கு டைட்டில் கொடுத்ததைத் தொடர்ந்து #PombalaThalaஎன்ற ஹேஷ்டேக் டுவிட்டரில் டிரெண்டாகியுள்ளது என்பது குறிப்பிடத்தக்கது.

LEAVE A REPLY

Please enter your comment!
Please enter your name here