4ஜி டவுன்லோடு ஸ்பீடில் மரண மாஸ் காட்டிய ஜியோ; அப்லோடு ஸ்பீடில் சறுக்கல்!

0
15

முகேஷ் அம்பானி தலைமையில் இயங்கி வரும் ஜியோ நிறுவனம், 4ஜி டவுன்லோடு ஸ்பீடில் கடந்த அக்டோபர் மாதம் முதலிடத்தில் இருந்தது. அப்போது சராசரி இணைய வேகம் 22.3 Mbps ஆகும். இந்நிலையில் நவம்பர் மாதத்திற்கான 4ஜி இணைய வேகம் குறித்த தகவலை டிராய் வெளியிட்டுள்ளது.

அதன்படி ஜியோ 20.3 Mbps சராசரி வேகத்துடன் ஜியோ முதலிடத்தில் நீடிக்கிறது. ஏர்டெல்லின் இணைய வேகம் அக்டோபரில் 9.5 Mbps வேகத்தில் இருந்து, நவம்பரில் 9.7 Mbps ஆக அதிகரித்துள்ளது. வோடபோன் மற்றும் ஐடியா செல்லுலார் நிறுவனங்கள் ஒன்றிணைந்து, வோடபோன் ஐடியா என்ற பெயரில் இயங்கி வருகின்றன.

இருப்பினும் இவற்றின் இணைய வேகத்தின் தனித்தனியே டிராய் வெளியிட்டுள்ளது. வோடபோனைப் பொறுத்தவரை, அக்டோபரில் 6.6 Mbps வேகத்தில் இருந்து நவம்பரில் 6.8 Mbps ஆக அதிகரித்துள்ளது. ஐடியாவைப் பொறுத்தவரை 6.4 Mbps வேகத்தில் இருந்து, 6.2 Mbps ஆக குறைந்துள்ளது.

இருப்பினும் 4ஜி அப்லோடு ஸ்பீடில் ஐடியா முதலிடத்தைப் பிடித்துள்ளது. கடந்த அக்டோபரில் 5.9 Mbps வேகத்தில் இருந்து நவம்பரில் 5.6 Mbps ஆக குறைந்துள்ளது. இந்நிறுவனம் அக்டோபர் மாதம் சராசரி அப்லோடு வேகமாக 5.9 Mbps ஐப் பதிவு செய்துள்ளது.

LEAVE A REPLY

Please enter your comment!
Please enter your name here